للحين احبه قصه سعوديه

للحين آحبـــــــــــــــــــــــــه

 شخصيات الروايــــة .
**عائله سعــــود .
• سعود .. وهو أبوي ويعمل في شركه كبيره بالخبر
• أمل .. وهي أمي وليست موضفة
• مـلآك.. وهي أنا البنت الكبيرة وعمري 15 ( طويلة ونحيفة وبشرتها حنطية وشعرها اسود لنصف ظهرها )
• منار.. وهي أختي الصغيرة
• مالك .. اخوي أصغر من منار بسنتين
• ميسم .. أختي الصغيرونة
** ألأء .. وهذي صديقة عمري من ايام الابتدائي

$$$$$$$$$$$$$
الفصل الأول..
كنت واقفة عند باب المدرسة وانتظر ألاء تجي
ملآك : يا ربي وينها الدبة أوففف
وفجأءة احد ضربني على ظهري
ألأء : هايوووو
ملآك: وجعوو.... , هلاوالله با ألاء وينك ليش توك تجين تو الناس ,, أوف أوف ياحلو شعرك وين مسويته يجنن
ألاء وهي تدور حول نفسها بغرور وتوقف وتقول: أعجبك
ملآك:أكيد وخاصة الهاي لايت طالع تجنن
ألاء وهي تطالع للمدرسة : ملآك ادخلي أقول لك السالفة بعدين مايصلح نوقف عند الابوiب كبرنا
ألاء و ملآك :هههههههههههه
دخلنا و الحمد لله موزعين الأسماء وأنا وألاء بفصل واحد إخترنا لما مكان وقعدنا نسولف عن أيام المتوسط والعطلة وقعدنا نسلم على البنات
ملآك : يالله ألاء قولي وين مسويه شعرك
ألاء : هذي يا طويلة العمر أنا قصيتة أما الصبغ بمشغل ..........
ملآك: أوف أوف والله وصرتي كوافيره ههههههه
ألاء : ليش مو مصدقه
ملآك: لا والله بس صراحة شعرك يجنن
ألاء : أكيد يجنن هذا من بنات أفكاري

طبعاً كان يوم مره متعب رجعت البيت ودخلت أنا أتمايل هنا وهناك اغني , قابلتني أمي
أمي : كل هذي وناسه بالمدرسة
ملآك : آه بالمدرسة والبنات واو شكل مدرستنا تجنن
لفت أمي وكملت طريقها وهي تقول : هذا أول يوم مردك بتكرهينها
صعدت لغرفتي وبدلت ملابسي لبست بيجاما خضراء ونزلت ركض أبي أتغداء
لقيت أمي وأخواني جالسين وأبوي عند الباب يكلم بجواله قعدت أتغداء واسولف عن المدرسه بس مافيه احد معبرني لأن الناس كلهم تعبانيين
أول ماخلصت غداء رحت ركض لغرفتي أبي أنام
ومرت الأيــام كالعادة دوام نوم دوام نوم مافيه احاث مهمه..
بعد شهرين ..
دق جوالي
ألاء : الو ملوكه
ملآك :هلا والله
ألاء : آه يا ملاك اخوي
ملآك : شفيه
ألاء : يزيد يا ملاك بيسافر بعد شوي
ملاك : وين عسى ما شر
ألاء : بيروح بريطانيا يدرس
ملاك : واو روعه
ألاء : وين روعه أنتي الثانية
ملاك : طيب أنتي ليش زعلأنة
ألاء : ملوكه هذا يزيد أغلى أخواني
ملاك : طيب لا تبكين الحين روحي سلمي عليه
ألاء: مو قادرة انزل
ملاك :يعني بيروح وماراح تسلمي عليه
ألاء : ........
ملأك : يالله بااااااااي سكري وروحي سلمي عليه
ألاء : بـــأي
جات ألاء من بكرى بعد سفر أخوها وهي محزنه
مر على سفر يزيد 4 شهور
بالمدرســــــة أخر حصة
ألاء : لازم اكلمك اليوم
ملاك k متى ما فضيتي دقي

المغرب الساعة 6:15

دق جوالي
ألاء : الووو
ملاك:هلا ألاء قولي تراك خوفتيني
ألاء : أخوي أخوي بندر يا ملأك
ملاك :شفيه
ألاء : بيزوجني صديقة
ملأك :والله مبرووووووووووووك وهذي بوسة على خدك أمووواه
ألاء : أي مبروك أنا ما ابيه
ملاك :ليش
ألاء :كذا
ملاك : طيب ارفضيه
الاء : ما اقدر بندر غاصبني
ملاك : قولي لامك
الاء: بندر أقنعها أنا بكلم يزيد اقول له
ملاك : الله يكتب الي فيه الخير
الاء : ان شاء الله بااااااااااي
ملاك: باااااااااي
## الاء توفى ابوها بحادث صار له هو و هي واخوهايزيد انقذها واحد هو وزوجته كانو توهم خالصين شهر عسل شالوا الاء للمستشفى ونادوا الاسعاف ليزيد الي كان ما فيه شيء وابوها لانهم ماقدرو يشيلونه العرسان خالد واحلام ما قصروا مع الاء ابد وجلسوا معاها لين تشافت
لما توفى ابو الاء كاننت بالصف السادس وهي اصغر اخوانها ولها تسع اخوان اكبر منها
(( محمد , فهد , تركي , أحمد , يزيد , ياسر , بندر بدر , ماجد ))
كانو اخوانها الربعه الكبار متزوجين واخوها بندر عصبي مره عليها ودايم يهاوشها من خوفه عليها اما يزيد الي فيه شبه كثير من الاء بس هو عيونه خضراء والاء رماديه كان مدلع الاء وما يرد لها طلب بس سافر يدرس ببريطانيا لمدرسه سنتين وبهذي الفتره زوجها بدر لصديقه الي ما تحبه لانها تحب ولد خالتها وولد خالتها يحبها
بعد جهد اقتنع بندر انه ما يزوج الاء والحمد لله

في اجازه منتصف السنه وانا بثالث ثانوي ,,,


رحنا زيارة لبيت عمي سعد بالرياض
عمي سعدو له اربع اولاد وبنتين

• ساميه .. هذي بنت عمي الكبيره تزوجت وهي صغيره وسافرت مع رجالها الامارات
• فهد .. وهذا اكبر مني بسنه ونصف كأن صديقي لما كنا صغار وشوفوا البلاوي الي نسويها بس لما كبر صرت ما اشوفه ويقولون متغير وصاير عاقل ومزيون
• سلآم .. وهذي اصغر مني بسنه وصديقه عمري وحبوبه وشقيه بس مررره حلوه
• محمد .. وهذا اصغر من سلام بثلاث سنوات خجول ومسوي نفسه رجال
• سالم .. وهذا اصغر من محمد بتسع شهور بس وحليو
• سامي .. وهذا دلوع ابوه وبس يبكي

في بيت عمــــي سعد ,,,

رحنا لهم ودخلنا وسلمنا عليهم وكان عندهم خالتهم وانا استحيت وطلع للحوش واتمشى وما دريت الا انا قدام ولد كان جالس يكلم بجواله وسكره انا اول ما شفته هربت ولما لفيت للبيت ضربت سلام
سلام: اخيراً لقيتك
ملاك: ليش عسى ما شر >> وانا افكر بالولد المزيون ابيض وطويل وسكسوكته الي تعذب ورموشه الطويله عيونه الناعسه آه يعني هو الملاك مو انا
سلام وهي تقطع علي افكاري
سلام : عندي لك سالفه خطيره
ملاك : خطيره صراحه خوفتيني
سلام : لالا هنا ما يصلح تعالي غرفتي
ملاك : يالله


بغرفه سلام
ملاك : يالله سلام تكلمي
سلام وهي ترمي نفسها على سريرها وتأخذ نفس
سلام : آه يلا ملاك لو تدرين شنو قريت
ملاك : سلام ممكن تفهميني
جلست سلام زين وقال
: يا طويله العمر يوم من الايان كنت غايبه ومن لقافتي دخلت غرفه فهد
ملاك : فهد شنو سويتي بغرفته
سلام : اصص لا تقاطعيني
ملاك : طيب كملي
سلام : واقعد ادور باغراضه والقى كتاب على الرف وانا ارفعه اول ما رفعته طاحت من ورقه
ملاك: ورقه
سلام : ايه ومكتوب فيها قصيده
ملاك : والله واخوك صاير شاعر خليه يشارك بشساعر المليون
سلام : قصيده غزل بعد
ملاك : هههههههه ياعيني على الحساس ومن سعيده الحظ
سلام : امممممم
ملاك : للحين ما اكتشفتيها سعيده الحظ
واقعد اطالع بالمرايه وازين شعري وسلام ساكته
: آه يا فهود والله وكبرت وصرت شاعر
سلام : ملاك تدرين شنو كاتب بعد
ملاك : قصيده ثانيه
سلام : لالا كاتب فوق القصيده
ان الشاعر افتقد ابنت عمه ؟؟؟؟
ملاك : ……………
سلام : ومافيه بنت عم غيرك
انا نزلت راسي مو مصدقه آه يا فهد والله انك مو بسيط
سلام : يازين للي يستحون
انا وقفت واحس باحراج مو طبيعي
: سلاااااااااااااااااااام
سلام : ليش عصبتي والله ما اكذب
ملاك : سلام لاتصيرين سخيفه يا ويلك لو يدري احد

وطلعت وسكرت الباب وريقي ناشف وقلت ابي اروح للمطبخ اشرب وانا بالطريق كنت افكر بكلام سلام وافكر بالولد الي شفته بالحوش ايه انا ما نسيته هو احد يقدر ينسى الجمال اه سبحان الله ايه من الجمال

}}نمنا ذاك اليوم بالرياض بشقه قريبه من بيت عمي {{

العصر الساعه 5:30

دق جوالي
ملاك : الووو
سلام : هلا والله بملوكه
ملاك : اوف وتدلعيني وش صاير
سلام : ملوكه عندك الحين شغل
ملاك : لا
سلام : يالله اجل جهزي حالك بمرك بعد نص ساعه وبنروح نتقهوى بستار بكس
ملاك : آه يا سلام جيتي بوقتك لاني زهقانه حدي اذا وقفتوا عند باب العماره اعطيني دقه Ok
سلام : خلاص باي

رحت ركض واخذت شاور وقلت لامي ووافقت ولبست بنطلون جينز رمادي وتوب
وردي وحطيبت كحل وماسكارا ورحت البس الصاندل
ترن ترن ترن >> يدق جوالي
سلام : الو يالله ملاك انزلي
ملاك : يالله يالله


$$$$$$$$$$$$

$$$$$$$$$$$
الفصل الثاني ,,,
نفس الشعور الي تحسه وتطريـه
في داخلي نفس المشاعر ولاحساس
الشوق فيني لو تعده وتحصيــــه
تتعب ولا حصلت للشوق مقيــاس
لو شفت قلبي كيف يرفع لك أيــديه
عرفت قدرك كيف عن باقي الناس


وقفت عند البوابه مو مصدقه الي قدامي
فيه صوت يناديني : ملااااك
ايه شفتها هذي سلام تناديني من النافذه وتاشر لي رحت وركبت السياره وللحين مو مصدقه
: هلا شلونك ملاك وشلون الاهل
قالها فهد بصوت اول مره اسمعه
,,,,,, آه يافهد والله وكبرت وصرت حلو ياحلوك وياحلو الشعر المتنثر على وجهك وصوتك اه ياحلوه مو مثل ما اذكر صاير صوت رجال
بعد هالسكوت رديت : انا واهلي الحمد لله بخير انت شلونك
... قلتها بعد جهد وبصوت قصير
هههههههههههههههههه
سلام انفجرت من الضحك ولفت علي وقالت بصوت ما اسمعه الا انا
سلام : ياحلو الي يستحون
فهد : سلام تعدلي حنا عند الاشاره فضحتينا

في ستار بكس

دخلت انا وسلام جلسنا وراح فهد يطلب لنا
سلام : هاه ملاك شرايك بفهد مو حلو
ملاك : سلاموه خلاص بعدين
سلام :هع هع هع هع

دخل فهد وجلسنا طبعا انا كنت متغطيه شوي ويطلع فهد

سلام : اوف منك شفتي فهد طلع
ملاك :طيب انا شنو ذنبي
سلام : ليش مانزلتي غطاك
فتحت فمي : صاقه انتي
سلام : ايه هو شافك ما اكلتي شيء وطلع

دق جوال سلام
: هلا
: خلاص

سلام : هذا فهد يقول اذا خلصتوا انزلوت
ملاك : يالله بسرعه علشان ما نتاخر
سلام : اوف لهدجرجه مشتاقه لفهد
ملاك : سلاااااااااااام
اكلنا ونزلنا لقينا فهد بالسياره وركبنا وكانت السياره بااارده وريحت العطر فيها تجنن
واول ما مشينا شغل اغنيه ::

غمض عيونك حبيبي غمض عيونك !!
بقول لك شيء بس اسمعني بقلبك
محتاج لك في حياتي ما اقدر بدونك
او بختصر لك واقول احبـــك احبــــك
مجنون بك واعترف لك صرت مجنونك !!
الذنب ذنبي ولا ذنب الهوى ذنبك
لو كل هالناس بعيوني يشوفونك
إن كان ذاب بغلاك العالم وحبك اموت فيك وفؤادي ينبض بكونك
واوقف واحس بغرامي يمشي بدربك وان جيت افكر في نفسي كني اخونك
*كان فهد يردد مع الاغنيه بصوت اسمعه انا وسلام ,,,
ياكيف افكر في نفسي دامني قربك احلف بربي ؛ احبك موت واصونك
يكل عمري خلاص افتح عيونك ما قلت لك شيء والي قلته لقلـــــــبك
خلصت الاغنيه ولفت سلام علي وقال بصوت قصير
خلاص ملوكه فتحي عيونك هههههههه
قطع فهد ضحكتها
فهد : تبون تتعشون اوتبون البيت
سلام : اكيد بدون سوال ودنا نتعشى
فهد : أي مطعم
سلام : اسال ملا ك أي مطعم ملوكه
ملاك : هاه والله انا ما اعرق الرياض روحوا للي تبون
سلام : يالله فهد ودينا لاي مطعم
رحنا لمطعم وجاسنا انا وسلام كان المطعم مره رومنسي واضاءته هادئه جلسنا نتعشيى بس انا ما قدرت اكل لان الغطاء مانعني
لاحظ فهد اني متظايقه وقام ,,
سلام : يا سخيفه
ملاك : ليش
سلام : احرجتي اخوي بنظراتك
ملاك: انا
سلام وهي تشرب العصير : لا انا
كملت سلام اكل وانا قعدت افكر معقوله كنت اطالع فيه لدرجه انه انتبه , أو هذي من حركات سلاموه الدبه السخيفه
خلصنا عشاء ونزلنا لقينا فهد بالسياره كنا بالسياره الكل هادئ ماغير المسجل سلام معها جوالها وفهد يردد مع الاغنيه وانا قاعده افكر بفهد والولد الي شفته لام اسال سلام عنه

وصلت العماره ونزلت ووقف فهد لحد مادخلت العماره وكلمت سلام اني بشقه وراحوا
بدلت ملابسي ورحت ركض لفراشي
قعدت افكر معقوله فهد يحبني آه يافهد والله وتغيرت وصرت رجال والله اذكر المصائب الي كنا نسويها ببيت جدتي الله يرحمها

الساعه 10 :15 ص

امي: ملاك يالله قومي بنمشي للخبر الحين اليوم الجمعه بكرى دواام
سحبت البطانيه وغطيت وجهي : خلااااص بس ربع ساعه
فجاءه الا والبطانيه هناااااك : قووووووووومي
فتحت عيوني وامي قاعده جهز الشنط قمت اسحب نفسي للحمام اخذت لي شاور ولبست بنطلون اسود وبلوزه ملونه
طلعت من لغرفه وقعدت افطر والكل ساكت
: بنمر اخوي نتغداء عنده ونطلع
قالها ابوي وهو يدخل الغرفه
رحت لغرفتي وكملت لبسي ورتبت شعري وحطيت شوي روج شدو مع الكحل الي انا ما استغني عنه

في بيت عمي ســـعد ,,
أول مادخلنا قابلتنا سلام وامها وقعدت اسولف انا وسلام يبالصاله
سلام : ملاك لازم تحضرين زواج خالتي ديانا بالعطله الصيفيه
ملاك :ان شاء الله بس ذكريني
سلام : ايه تذكرت بعطيك حاجه بس ما تفتحينها الا في بيتكم
ملاك : بالبيت والله حماس
سلام : قولي والله
ملاك : والله
اعطتني ضرف لونه سماوي وعليه رسم ورود صغيره لونها وردي فاتح مره وكان الضرف مسكر زين
حطيت الضرف بشنطتي قمنا نتغداء واول ماخلصنا مشينا
طول الطري وانا افكربالضرف شنو فيه واول ما دخلنا البيت دخلت غرفتي رحت ابي افتح الضرف رحت ركض لشنطتي افتحها بس ما لقيت شيء
لالالالالالالالالا
رحت ركض تحت وانادي اخي : مناااااااااااااااار
منار : نعم
ملاك : مناروه انتي فتحتي شنطتي لما كنا بسياره
منار : ايه كنت ادور منديل
ملاك : ما شفتي فيها ضرف
سلام : ايه شفته
ملاك :وينه
سلام : ما طلعته بس يمكن بالسياره
رحت ركض للسياره ادور يمين يسار فوق تحت
اخيـــــــراٌ
هذا هو الضرف بس عليه شوي عصير
فتحته
: واو ,, مو معقوله ,, روعه

$$$$$$$$$$$$$$$$
الفصل الرابــــع ...


صدفه ومن بين كل الناس علقنــي
من يوم شفته وعيني جات في عينـه
حسيت شيء بعيونه حيل يجــذبني
لما ابتسم بانت بوجهي تلاوينـــه


سلام : خلاص ملوكه ما صار شيء

كنت مو قادره اتكلم من البكي : ليه .....الي صار...... شيء بسيط ....بالنسبه لك ؟؟
سلام : لاتعظمين الامر
ملاك : سلام شوفي لبسي
سلام : اه ياملاك صدقيني ما انتبه انتي رحتي وراء الباب على طول وهو نزل راسه
ملاك : اه اه اه لاتقنعيني
سلام : يالله بلا دلع تعالي نشوف زواج خالتي جابه فهد بالـcd
راحت سلام عند اللاب توب وانا قعدت افكر بالموقف السخيف لما فتحت الباب وكان فهد قدامي واقف وكان معاه شريط زواج ديانا بس اول ما شافني نزل راسه وانا تخبيت وراء الباب
سلام : ملوكه انا بروح لغرفه فهد واجيب لاب توب فهد لان حقي فيه فايروس

راحت سلام وانا قمت وغسلت وجهي ولبست بيجامتي وللحين الموقف ببالي وسرحانه
سلام : ملوكه تدرين لما دخلت على فهد وش يسوي ؟؟
نايم على سريره ويطالع السقف حتى ما انتبه اني دخلت لحد ما صرخت بوجهه هههههههه
اكيد يفكر بالقمر الي طلعت بوجهه
ملاك : سلام وجعه ..... أكيد تعبان بعد الزواج
سلام : يعيني تسوين له اعذار بعد ههههههههه
خلاص تعالي نشوف الشريط ..
شغلت سلام اللاب توب وانا جنبها
كانت خلفيه الجهاز صوره لفهد وهو يبتسم ابتسامه عريضه ولابس شعار النصر وبيده علم
كانت الصوره اكثر من حلوه وانا قعدت اطالع فيها وابتسم
سلام : هاه ملاك اشوف الصوره عجبتك
ملاك : .............
دخلت سلام الـcd وشفنا الصور كانت لزوج ديانا والمعازيم كانت الصور حلوه بس ما اعرف احد وكان محفوظ باخر الشريطفيه مقطع فديو شغلت السلام المقطع كانت اغيه عزاه وفيها خمس اولاد يرقصون سلام : هذا فهد اخوي شوفي رقصه يضحك ( اه ياحلوك بس )
سلام : وهذا خالي سالم وهذا ما ادري مين وهذا الي جالس ضاري ولد خالتي منيره الله يرحمها (((يالله هذا الي شفته بالحوش المزيون الي عيونه تجنن اه اخيرا عرفت ولد مين ))
ملاك : الله يرحمها
كان الي بالشريط كلهم حلوين بس احلاهم ضاري بعدين فهد


## بعد شهرين ##

رجعنا للخبر وبدأت الدراسه من جديد وانا الحين اول جامعه
اول يوم دراسه وحنا قاعدين نتعشى
ابوي : شلون ادلراسه معكم
منار : زينه
مالك : لا وع من بيقوم بدري
ابوي : وهذا حنا اول يوم كل هذا يا مالك
امي : ههههههههه هذا ولدي الشاطر
ابوي : صح اليوم كلني سعد يقول ان الجامعه قبلت فهد هنا
امي : ما شاء الله عليه
ابوي : يقول انه تبي تبدأ دراستهم الاسبوع الجاي
امي : طيب وين يبي يسكن خله يجي الملحق
مالك : ايه يبه علشان يلعب معي ويصير لي اخو
ابوي : خلاص انا اكلم سعد واقول له خله يجي عندنا
انا قعدت افكر معقوله فهد يبي يسكن عندنا ووش اسوي

$$ بعد اسبوع $$

ابوي وهو ينزل مع الدرج : يالله يقول فهد انه عند الباب زينو شاهي وقهوه
ملاك : ان شاء الله ماري زيني الشاهي
,,,, مر اول يومين وفهد عندنا بس انا ابد ما شفته
يوم الخميس طلعت للحوش ابي اجلس مع ابوي فجاءة لقيت فهد داخل من الباب وهو لابس بنطلون جينز وتيشرت سماوي ولابس نظاره شمسيه كبيره وشعره تاركه بدون حاجه
, دخلت قبل ما يشوفني وقمت اطالع له من وراء الباب وهو يمشي لحد ما وصل غرفته
فجاءه احد ضربني من كتفي : وش تسوين
ملاك : مناروه وش دخلك
منار : ملاك اعترفي
ملاك : بلا سخافه منار كنت اشوف اذا (لاري ) موجود اول لا
لاري >>> هذا سواقنا

""" بعد شهر """
كنت بامده الي راحت اشوف فه بالصدفه وهو بعض الاحيان يشوفني

الاربعاء 15: 4

كان مافيه احد بالبيت امي واخواني عند خالتي بالدمام راحو مع لاري كنت توني قايمه من النوم بعد يوم دراسي متعب قمت من فراشي ورحت للحمام غسلت وجهي ونزلت
ماكنت منتبهه ان ماري كانت تغسل الدرج وطحت وانا امشي لفت رجلي وطحت على الدرج كله من افوقشيء لحد ما وصل المرايه الي اخر الدرج ضربت رجلي المرايه وانكسرت ودخل شوي من كسرها برجلي
ملاك: ماااااااااااااااااااااري
ماري جت تركض معاها قطعه قماش وشافت الدم على الارض وعلى ملابسي والمرايه المنكسره
ملاك : ماري روحي نادي ماما
ماري : مافيه اهد كله روه هتى لاري ( ما فيه احد كلهم راحو حتى لاري )
انا ماقدرت استحمل وقعدت اصرخ صراخ مو طبيعي
فجاءه دخل فهد مفجوع
فهد : شفيك صوت واصل لاخر الشارع
حاولت امسك نفسي لكن ماقدرت
فهد : سلاماات ماري جيبي مويا بارد
كان فهد لابس ثوب وشماغ كان توهم طالعين من صلاه العصر , كنت ابكي بحراره
فجاءه حسيت ببرود بكل جسمي كان فهد حاط ايده على رجلي ويطلع قطع المرايه منها وبعدين نزل شماغه ولف فيه رجلي
فهد : ماري جيبي عبايه ملاك
رفعت راسي وعيوني مليانه دموع : ليش .... الـ .. عبا..يه
فهد : علشان بوديك للمستشفى احين
راحت ماري ركض لغرفتي وجات معاها العبايه لبستها بصعوبه وماقدرت اوقف فساعدتني ماري مشينا ووصلتني ماري لحد السياره وركبتني وسكرت الباب
ركب فهد السياره وشغلها
ملاك : لحـ ..ضـ....ـه
فهد : ليش
ملاك : خلي .. ماري تجي معـ...نا

فهد : ليش ,, او براحتك
نزل فهد ركض داخل البيت ونادى ماري ورحنا للمستشفى


يوم الجمعه 30 :9 ص



قوم ملاك يالله (( قالتها الممرضه وهي تنزل الفطور قدامي )) قمت ورحت للحمام ورجعت لفراشي كانت امي نايمه بجنبي لاحظت ان فيه باقتين ورد بالغرفه وحده على الكنب بعيده شوي ووحدعلى فراشي جلست على فراشي وناولتني الممرضه الدواء
اخذت باقه الورد الي على فراشي ولقيت فيها كارت مكتوب فيه الحمد لله على السلامه (( منار , مالك ’ ميسم ))
قالت لي الممرضه اني سويت عمليه برجلي
ملاك : بليز ممكن تعطيني الباقه
واشرت على الباقه الي على الكنب
الممرضه : اوكـ
وراحت جابتها
اخذتها وكانت باقه كبيره وكان فيها كارت مكتوب فيه الحمد لله على سلامتك